/圖片來源：連登討論區/
最近喺CU secret有篇文惹唔少網民熱議...
事緣事主有個拍咗6年拖嘅男朋友，性格夾，感情穩定，事主都諗住同佢過人世。但事主話去到近幾星期開始，佢突然極冷淡。有晚臨瞓有人打電話畀佢，佢一反常態，衝去拎電話入廁所聽。事主問佢係邊個嚟，點解咁緊張，佢話係同事打嚟傾吓公事。
如是者過咗兩個禮拜，事主覺得男朋友變咗好多。例如講好話一齊食飯，最後話要OT放飛機 ；例如成日唔覆wtsapp，一日覆一兩次，就算事主問男朋友係唔係工作壓力大，佢都冇覆。
過咗段時間，事主男朋友話有新歡🌚提出分手，令事主陷入人生最大低潮，後來事主身心情況愈差 每晚瞓唔到，甚至成身生風癩，痕到要去打針。
到咗故事結尾突然嚟個大逆轉，事主話男朋友突然sd咗條片畀自己，解釋番呢一切一切原來都係求婚計劃之一。例如搵朋友打畀佢扮嘢，又扮OT去準備求婚，仲特登唔覆wtsapp等件事更加真。最後事主拒婚，冇覆過男朋友wtsapp，揚言唔唔想再見到呢個人。
喺呢件事上，事主男朋友真係勁有問題。正常想玩，講分手之前應該講真相，點會拖足咁耐？拖咁耐，佢同第三者搞完，註埋冊，擺埋酒都得啦。慌佢唔係條新女唔要佢，佢先作個咁嘅爛屎藉口想挽回事主？
假設佢冇出軌，百分百愛事主，真係為咗求婚先咁樣做，仲仆街！佢明知事主會好好好好hurt，又知平時一壓力大就會起風癩，身心咁辛苦...佢都可以唔理。有讀者講得好中，0到100都未夠開心，佢係都要-100至100先覺得夠刺激。美其名想畀驚喜，其實係虐待狂、心理變態。所以大家話，佢到底有幾愛事主？
求婚？真係求佢老母
仲有依家接受咗佢又點，係唔係下次被人睇到同條女去開房話係驚喜？被事主發現有埋個仔話住驚喜？離婚係驚喜？呢個都算係最差嘅求婚方式，希望大家引以為鑑...
#By懶醒女朋友
Search